Komasava Remix ya Diamond yandika Historia Kuingia Chati za Billboard Marekani -Msanii maarufu wa Tanzania, Diamond Platnumz, ameweka alama mpya katika historia ya muziki wa Bongo Fleva baada ya wimbo wake “Komasava Remix” akishirikiana na Jason Derulo kuingia kwenye chati za Billboard za Marekani. Wimbo huo umeshika nafasi ya 39 kwenye orodha ya Billboard U.S. Afrobeats Songs Top 50 kama ingizo jipya.
Hii ni hatua kubwa kwa muziki wa Tanzania, ikionesha uwezo na ushawishi wa wasanii wa Bongo Fleva kwenye jukwaa la kimataifa. Diamond Platnumz, anayejulikana kwa mafanikio yake makubwa barani Afrika, ameendelea kuvuka mipaka na kuwafikia mashabiki wengi duniani kupitia muziki wake.
RELATED: Diamond Platnumz X Jason Derulo Ft Khalil Harisson & Chley – Komasava Remix
Kuona wimbo wa Diamond Platnumz ‘Komasava’ ukiingia kwenye chati za Billboard Marekani ni ndoto iliyotimia. Ni heshima kubwa kwa muziki wa Tanzania na kuthibitisha kwamba kazi yetu inakubalika kimataifa.
Hatua hii inakuja wakati ambapo wasanii wa Bongo Fleva wamekuwa wakijitahidi kuinua muziki wa Tanzania na kuutangaza zaidi kimataifa. Wimbo wa “Komasava” umepokelewa vizuri na mashabiki tangu ulipotoka, ukiwa ni ushirikiano wa Diamond Platnumz, Jason Derulo, Chley na Khalil Harrison.
Ufanisi huu wa Diamond Platnumz unaashiria mwanzo mzuri kwa wasanii wengine wa Tanzania kuendelea kuvuka mipaka na kutambulika kimataifa. Wakati muziki wa Afrobeats ukiendelea kushika kasi duniani, wasanii wa Tanzania wanapata nafasi ya kujionyesha na kuchangia kwenye ukuaji wa muziki huu.
Mashabiki wa Diamond Platnumz na muziki wa Bongo Fleva kwa ujumla wana kila sababu ya kujivunia hatua hii, kwani inadhihirisha kwamba muziki wa Tanzania unaweza kushindana na muziki wa kimataifa na kufanikiwa.
Hongera kwa Diamond Platnumz kwa hatua hii kubwa, na tunatarajia kuona mafanikio zaidi kutoka kwa msanii huyu pamoja na wengine katika tasnia ya muziki wa Tanzania.
Msanii mwingine wa Tanzania ambaye aliwahi kuingia kwenye chati hiyo ni Loui, aliyeshirikishwa na Musa Keys wa Afrika Kusini kwenye wimbo wao wa pamoja.
